Italia yachukua hatua za dharura nchi nzima kudhibiti virusi vya corona


Italia imeongeza hatua za dharura za kupambana na maambukizi ya virusi vya corona, ikiwemo kuzuia safari na kupiga marufuku mikusanyiko ya Umma nchi nzima.

Siku ya Jumatatu, Waziri Mkuu Giuseppe Conte aliamuru watu wabaki majumbani na sharti waombe ruhusa na kupata kibali kwa ajili ya safari zenye umuhimu pekee.

Amesema hatua hizo ziliwekwa kwa ajili ya kuwalinda wale walio hatarini kupata maambukizi . ''Hakuna muda zaidi,'' alisema alipohutubia raia kwa njia ya Televisheni.

Vifo vilivyotokana na virusi vya corona sasa vimefikia 463 kutoka 366 siku ya Jumatatu. Athari mbaya zaidi baada ya China.

Idadi ya maambukizi imethibitishwa kufikia 24% kutoka siku ya Jumapili, maafisa walieleza.

Visa vya maambukizi vimethibitishwa kuwepo kwenye miji yote 20 nchini Italia.

Conte amesema hatua bora zaidi ni kuwa watu wasalie majumbani. ''Kuna ongezeko kubwa la maambukizi ...na vifo,'' amesema kwenye taarifa yake.


Waziri Mkuu Conte ameeleza hatua hiyo inajulikana kwa jina ''Ninabaki nyumbani''- watu wakipigwa marufuku kukusanyika. ''Hakuna mikusanyiko ya starehe za usiku; hatuwezi kuruhusu hili tena,'' alisema

Matukio ya michezo ikiwemo mechi za kandanda zimezuiwa nchi nzima. Shule zimefungwa na vyuo vitabaki vimefungwa mpaka tarehe 3 mwezi Aprili.

Serikali imesema wale wenye sababu za kikazi na kifamilia ambazo haziwezi kuahirishwa wataruhusiwa kusafiri.

Abiria wanaotaka kuondoka wanatakiwa kuwa na sababu za msingi, kama watakavyofanya wanaoingia na ndege nchini humo.

Kwenye vituo vya treni kuna udhibiti pia, abiria hupimwa kiwango cha joto cha mwili. Meli pia zimezuiwa kutia nanga katika bandari kadhaa nchini humo.


Mapema Jumatatu, wafungwa saba walipoteza maisha kutokana na vurumai kwenye magereza nchi nzima baada ya mamlaka kupiga marufuku kuwatembelea wafungwa kuepuka kusambaa kwa ugonjwa.

Ghasia zilianza katika mji wa Kaskazini wa Modena katika gereza la Sant'Anna.

Inadhaniwa kuwa watu wapatao wawili walipoteza maisha kutokana na kuzidisha kipimo cha dawa baada ya kuvamia hospitali ya gereza kwa ajili ya dawa ya methadone.


Katika gereza la San Vittore mjini Milan, wafungwa walichoma moto sehemu ya gereza , kisha walipanda mpaka darini kupitia dirishani wakipunga bendera, maafisa wameeleza.

Kwenye gereza kusini mwa mji wa Foggia, wafungwa kadhaa walitoroka nje ya jengo wakati wa maandamano, Wengi walikamatwa, shirika la habari ya Italia la Ansa liliripoti. Wafungwa tisa bado hawajulikani walipo.

Pia kulitokea vurugu katika magereza mengine Kaskazini mwa Italia mjini Naples na Roma.

Maafisa wa ulinzi wakiwa katika gereza la Sant'Anna wakati wa maandamano

Comments

Post a Comment

Popular posts from this blog

Rais wa Marekani Donald Trump na Makamu Wake Huenda Wakapimwa Tena Corona Baada ya Mtumishi Mwingine Wa IKULU Kukutwa na Virusi Vya Corona

Image
Marekani imesema huenda Rais Trump na Makamu wake Mike Pence wakalazimika kupima tena corona kwa mara ya tatu mfululizo kufuatia Mfanyakazi wa Ofisi ya Makamu wa Rais (Katibu wa Habari) kuugua corona, juzi Viongozi hao walipimwa corona baada ya Mfanyakazi wa Ikulu kuugua corona. Trump mwenyewe ndiye  aliyetangaza siku ya Ijumaa wakati wa mkutano na wabunge na maseneta kutoka chama cha Republican kwamba Katie Miller, mke wa mshauri wake wa katika masuala ya uhamiaji, Stephen Miller, ambaye pia ni Msemaji wa Makamu wa rais wa Marekani Mike Pence ameathirika. Kutangazwa kwa kesi hii ya pili kwa siku mbili katika Ikulu ya White House kumezua hofu kwa afya ya rais na makamu wa rais, ambao wote wawili walianza tena shughuli zao na safari zao, wakati vifo vya watu waliofariki kwa Covid-19 vimezidi 80,000
Read more

Mchezo wa Kwanza Wapigwa Marekani Bila Mashabiki

Image
Pambano la kwanza la ngumi tangu janga la Corona liingie nchini Marekani limepigwa usiku wa kuamkia leo Mei 10, 2020, ambapo Justin Gaethje amemchapa Tony Ferguson kwa TKO raundi ya 5 na kuibuka bingwa wa UFC interim lightweight. Pambano hilo limepigwa bila mshabiki kwenye uwanja wa VyStar Veterans Memorial huko Jacksonville, Florida. Awali pambano hilo lilitakiwa kupigwa 18 April huko Brooklyn lakini likaahirishwa kutokana na Janga la Corona na kupangiwa tarehe ambayo ni usiku wa Mei 10, 2020. Justin Gaethje mwenye miaka 31, amempiga Tony Ferguson mwenye miaka 36 na sasa ndio bingwa wa UFC Lightweight na atapigana na Khabib Nurmagomedov katika pambano ambalo litapangiwa tarehe baadaye mwaka huu.
Read more

Mji mkuu wa Korea Kusini wafunga kumbi za starehe kwa hofu ya Corona

Image
Mamlaka za mji mkuu wa Korea Kusini, Seoul zimeamuru kufungwa kwa maeneo yote ya kuuza vileo na kumbi za starehe baada ya kuzuka visa vipya vya virusi vya corona vinavyoibua wasiwasi wa kutokea wimbi la pili la kusambaa virusi hivyo hatari. A task force of economists and sociologists, as well as infectious-disease experts, drafted a 68-page “guidebook for distancing in daily life,” including installing partitions in dining-hall tables. Meya wa mji huo Park Won-soon amesema amri hiyo itakayoendelea bila kikomo imefuatia maambukizi mapya ya virusi vya corona yaligundulika kwenye wilaya ya Itaewon, yenye shughuli nyingi nyakati za usiku. Zaidi ya visa 24 vinahusishwa na mwanaume mmoja aliyegundulika kuwa maambukizi ya COVID-19 baada ya kutembelea kumbi tano za starehe kwenye wilaya ya Itaewon wiki iliyopita. Korea Kusini imekuwa mfano kwa jinsi ulimwengu unavyoweza kukabiliana na virusi vya corona, lakini meya wa mji wa Seoul ameonya uzembe unaweza kusababisha wimbi ji...
Read more